Bail de moulin
1692 (29 décembre)
Pardevant moy notaire en la residence de Neufville
Lez this et des tesmoins cy apres nommez et soubsignez
Furent present en leurs personnes les venerables
Religieux prieure et couvent de labbaye Notre Dame
De Septfontaine Frere Pierre Gerard prieure, frère
Pierre Lescuyer soubprieur, frère Pierre Vuaucher, frère
Nicolas Boucher et frère Francois Cochepin, lesquels
Ont esdits (.) , recogneut avoire baillé a titre de
Louages et prix dargent pour le temps terme et espace
De six années continuelles et ensuivantes lune lautre
Qui commenceront aux premier jour de janvier mil
Six cent nonante quatre, et finiront apareil
Temps et saison les dites années finies et revolues
A Jean Saintgery meunier demeurant a Sury present
Preneur audit tiltres et ce acceptant le moulin à eaux
De Fagnon, usine moulin et meulages dicelluy scis et
Scituez sur le ban et terroire dudit lieu et cour du
Rus dicelluy, consistant en bastiment escurie et
Logement dudit meunier, ainsy quil se contient, et
Comporte sans aucunnes choses reserve dudit moulin
Ny de ses dependences par ledit sieur bailleur
Pour en jouire par ledit preneur audit tiltres durant
Ledit temps, ce present bail fait moyennant
Et a la charge que ledit preneur a promis et
Sera tenu rendre et payer par chacunnes desdites
Six années ausdits sieurs bailleurs denomme ou
Au porteur la somme de cens quatre
Vingt douze livres tournois, payables de quartier
En quartier, dont le premier quartier et
Payement sera et eschera au dernier jour
De mars de ladite année mil six cent nonante quatre
Et ainsy continuer jusqua fin dudit bail, tenu en
Outre ledit preneur des menues reparations locatifve
Necessaires afaire ausdit bastiment durant ledit
Temps, mesmes des grosses et menues refections
Afaire ausdit résine, en fournissant neantmoins
Les bois necessaires pour icelles par lesdits sieurs
Bailleurs, a la charge aussy par luy preneur
De prendre lesdits bois sur le pied dans le bois
Du mellier, et fin du dudit bail rendre le tout en
Bon estat, en outre tenus ledit preneur de
Donner et payer pour le dechet de chacun poulie
De meule dudit moulin trois livres tournois avecq
Trois paire de chappon vifs en plume bon
Et suffisant par chacunnes année au jour et
Feste Saint Martin d’hiver de chacunnes dicelles
Mesme de donner coppie des presentes en bonne forme
Audits sieurs bailleurs sans pour ce ny pour les
Clauses nen pretendre diminution ou expension du
Present bail, ne pourra ledit preneur retrocedder
Ledit bail ny parties dicelluy sans le consentement
Expresse par escrit desdits sieurs bailleurs apeine de
Privation, et de cent livres de domage et interest
Et ou estoient et sont intervenus Gilbert Saintgery
Meusnier du moulin de Vuarcq y demeurant et Jean Felot
Mareschal demeurant a Charleville present en
Personne qui sont par ces mesme presentes
Rendu pleg et caution, et se sont obligez
Solidairement lun pour lautre avecq ledit preneur
Et lun deux seul pour le tout sans divison ny
Discussion renoncant aux benefices d’iceulx de
Tenire entretenire payer et satisfaire aux clauses
Et conditions dudit present bail et par ces
Mesmes presentes lesdits sieurs bailleurs auxdits noms
Ont promis et seront tenus bailler par chacunnes
Desdites années audit preneur une corde de bois
Et un cens de fagot # quiceluy preneur a promis
Et sera tenu prendre dans lesdits bois du mellier #
Car ainsy se promettant lesdites parties scavoire
Faire jouire ledit preneur et ledit preneur
Ses plegs et caution solidairement comme dit
Est sans divisions ny discussion obligeant tous
Et chacuns leurs biens quelconques present
Et avenire payer et satisfaire a ce que dessus
Et temps y portes sans y defaillire sur
Peine etc obligeant etc renonceant etc
Ce fut fait et passez en mon hostel # soubsigne
Present Poncelet Jacquet laboureur et Francois
Lepage aussy laboureur demeurant audit Septfontaine
Tesmoins quy ont avecq lesdites parties signez le
Vingt neufviesme jour de decembre mil six
Cent nonante deux lecture faite # notaire soubsigné
# avecq ce
les escouppes
des arbres
quy seront
employés audit
moulin pour
lesdites refections
pendant ledit
temps # en
payant par
ledit preneur
les façons
dudit bois